ავტოსპორტი

16:36 | 8.03.2020 | ნანახია [] - ჯერ

„ფერარის“ და „ალფა ტაურის“ ბაზები წითელ ზონაში მოექცა

იტალიის მთავრობის გადაწყვეტილებით, გაიზარდა ქვეყნის იმ რეგიონების სია, რომლებიც ეპიდემიური სიტუაციის გამო, წითელი კარანტინული ზონის ფარგლებში მოექცა. ზითელ ზონაში მოქცეული რეგიონების სიაში მოხვდა ქალაქები მოდენა და მარანელო, სადაც ფერარის ბაზა და მუზეუმები მდებარეობს, ასევე ფაენცა, სადაც ბაზა „ალფა ტაურის“ (ყოფილი ტორო როსო) აქვს.

მთავრობის გადაწყვეტილებით, წითელ ზონაში საგანგებო წესები მოქმედებს. იკრძალება აღნიშნულ ზონებში სპეციალური ნებართვის გარეშე შესვლა და გამოსვლა. თუმცა ფორმულა 1-ის გუნდებისთვის ეს წესები გამარტივებულია.

წითელი ზონები ჯერჯერობით 3 აპრილამდე მოქმედებს. ამ პერიოდში დახურული იქნება სკოლები, უნივერსიტეტები, მუზეუმები, სპორტული არენები, კულტურული ცენტრები და საზოგადოებრივი თავშეყრის ადგილები. შვებულებები გაუუქმდათ ჯანდაცვის სფეროს თანამშრომლებს.

შეზღუდვები ფორმულა 1-ის დასახელებულ გუნდებშიც შემოიღეს. ისინი დახურულ რეჟიმში მუშაობენ და საწარმოებში ყურადღებით აკვირდებიან თანამშრომელთა მდგომარეობას. მათი ნწილი უკვე გაემგზავრა მელბურნში, სადაც ფორმულა 1-ის მსოფლიო ჩემპიონატის პირველი ეტაპი - ავსტრალიის დიდი პრიზი ჩატარდება.

0.156598