კვირას 41 წლის კობი ბრაიანტი ავიაკატასტროფაში გარდაიცვალა, რაც მთელი მსოფლიოსთვის შოკისმომგვრელი იყო.

კობის გავლენა კალათბურთზე შეუდარებელი იყო, მაგრამ ბრაიანტი ასევე ფეხბურთის უდიდესი გულშემატკივარი გახლდათ.

კობი იტალიაში გაიზარდა, სადაც მამამისი პროფესიონალურ კალათბურთს თამაშობდა და მილანის გულშემატკივარი იყო.

მაგრამ ბრაიანტის საუკეთესო საფეხბურთო ისტორია 2006 წელს, ლოს ანჯელესში მოხდა, სადაც ბარსელონა წინასასეზონო მომზადებას მართავდა, რონალდინიომ კი მას 17 წლის ლიონელ მესი გააცნო.

გაწევრიანდი adjarabet.com-ის ფეისბუქ ჯგუფში და მიიღე სპეციალური შეთავაზებები!

„ძალიან დიდი ხნის წინ, ბარსელონა ლოს ანჯელესს ესტუმრა. რონალდინიო ჩემი კარგი მეგობარი იყო. როცა ვსაუბრობდით, უეცრად მითხრა, ‘კობი, მისმინე, ახლა ყველა დროის საუკეთესო ფეხბურთელი უნდა გაგაცნო’

გაკვირვებულმა ვკითხე ‘ვინ?! საუკეთესო შენ ხარ!’ მან კი მიპასუხა - ‘არა, არა, აი ეს ბავშვი იქნება ყველა დროის საუკეთესო.’ - ის ბავშვი კი ლიონელ მესი იყო, რომელიც ამ დროს, სულ რაღაც, 17 წლის გახლდათ.“

®