კატალონიის „ბარსელონამ“ „ალბასეტედან“ რეი მანაი დაიმატა. როგორც „ბლაუგრანას“ ვებგვერდი იტყობინება, ფეხბურთელთან კონტრაქტი 2023 წლის ზაფხულამდე გაფორმდა.
საინტერესოა, რომ 22 წლის ალბანელი „ბარსელონა B“-ში ითამაშებს და მისი გამოსასყიდი თანხა კონტრაქტის მიხედვით 50 მილიონი ევრო იქნება.
მანაიმ მიმდინარე სეზონში „ალბასეტეს“ რიგებში 11 შეხვედრაში 3 გოლი გაიტანა, მანამდე კი „კრემონეზეში“, „ინტერში“, „პესკარაში“, „პიზასა“ და „გრანადაში“ უთამაშია.