გუნდის დატოვების დიდი სურვილიდან კონტრაქტის გახანგრძლივებამდე - ნეიმარმა აზრი შეიცვალა. Le parisien-ის ინფორმაციით, ბრაზილიელი ფეხბურთელი შესაძლოა პარიზში დარჩეს და სულ მალე ახალ კონტრაქტს მოაწეროს ხელი.
როგორც გავლენიანი ფრანგული გამოცემა იტყობინება, ნეიმარი პსჟ-ს მიერ ნაჩვენები თამაშით მიმდინარე სეზონში კმაყოფილია, როგორც ლიგა 1-ში, ისე ჩემპიონთა ლიგაზე და გუნდში დარჩენა გადაწყვიტა.
სამხრეთ ამერიკელის მოქმედი კონტრაქტი ძალაში 2022 წლის ზაფხულამდეა და მისი გახანგრძლივება იგეგმება. თუმცა, ხელშეკრულების უფრო მეტი დეტალი ამ ეტაპზე უცნობია.
შეგახსენებთ, ნეიმარი გასულ ზაფხულს პარიზის დატოვებას და „ბარსელონაში“ დაბრუნებას მუდმივად ცდილობდა. თუმცა, საბოლოოდ საფრანგეთში მოუწია და დარჩენა და მიმდინარე სეზონში ჩატარებულ 12 მატჩში 9 გოლის გატანა შეძლო.
