ფიფამ ეროვნულ საფეხბურთო ნაკრებთა ნოემბრის თვის რეიტინგი გამოაქვეყნა, რის შედეგადაც საქართველოს ნაკრები ერთი საფეხურით დაქვეითდა. ვლადიმირ ვაისის გუნდს ამჟამად 1267 ქულა აქვს და მადაგასკართან ერთად 91-ე და 92-ე პოზიციებს იყოფს.

მოგეხსენებათ, „ჯვაროსნებმა“ ნოემბერში ორი მატჩი ჩაატარეს, ჯერ შვეიცარიაში წააგეს (0:1), შემდეგ კი ხორვატიაში (1:2).

...89-90. კონგო - 1269 ქულა

89-90. ლიბანი - 1269

91-92. საქართველო -1267

91-92. მადაგასკარი - 1267

93. ისრაელი - 1260

94. ვიეტნამი - 1258

95. კვიპროსი - 1251

რაც შეეხება ერთ ლიგის D დივიზიონში საქართველოს ნაკრების კონკურენტებს, საუკეთესო პოზიციაზე ჩრდილოეთ მაკედონიაა, რომელიც 68-ე ადგილს იკავებს და წინა თვეშიც ამ საფეხურზე იმყოფებოდა. საქართველოს ნაკრების დარად თითო ადგილით დაქვეითდნენ ბელარუსისა და კოსოვოს ნაკრებები.

68. ჩრდ. მაკედონია - 1347

87. ბელარუსი - 1280

115. კოსოვო - 1174

რაც შეეხება მოწინავე ათეულს, აქ ერთადერთი ცვლილება მოხდა, ხორვატიამ და პორტუგალიამ ადგილები გაცვალეს. სხვა მხრივ, ლიდერი ისევ ბელგიის ნაკრებია, რომელსაც კვალში საფრანგეთი და ბრაზილია უდგანან.

1. ბელგია - 1765 ქულა

2. საფრანგეთი - 1733

3. ბრაზილია - 1712

4. ინგლისი - 1661

5. ურუგვაი - 1645

6. ხორვატია - 1642

7. პორტუგალია - 1639

8. ესპანეთი - 1636

9. არგენტინა - 1623

10. კოლუმბია - 1622

ფიფას რეიტინგი სრულად...