არგენტინის ნაკრებმა ურუგვაის ეროვნულ გუნდთან ამხანაგურ მატჩში ფრედ - 2:2 ითამაშა. შეხვედრა თელ ავივში, „ბლიუმფილდის“ სტადიონზე გაიმართა.
ანგარიში 34-ე წუთზე ურუგვაელმა ედინსონ კავანიმ გახსნა, ლუის სუარესის პასით. მეორე ტაიმის შუაში არგენტინელებმა სერხიო აგუეროს გოლით გაათანაბრეს (მესის გადაცემით).
68-ე წუთზე ურუგვაელები ისევ დაწინაურდნენ, თავი ამჯერად სუარესმა გამოიჩინა. თუმცა, არგენტინელები მარცხისგან მესიმ იხსნა. კაპიტანმა გოლი უკვე კომპენსირებულ დროში გაიტანა.
