ტოკიოს 2020 წლის ოლიმპიური თამაშების საორგანიზაციო კომიტეტი ძალ-ღონეს არ იშურებს იმისთვის, რომ XXXII თამაშების მონაწილეები, მათი გულშემატკივრები და სტუმრები ივლის-აგვისტოში მოსალოდნელი ტოკიოს ცხელი ამინდებისგან დაიცვას.
პროექტი, რომელიც შეიძლება გადაითარგმნოს როგორც „გრილი ტოკიო", ათლეტთა და სტუმართა დაცვისკენაა მიმართული. კერძოდ, შესაბამისი გეგმით გათვალისწინებულია გამაგრილებელი პაკეტები, კონდიცირებული კარვები, სასმელი წყლის შადრევნები და წყლით სავსე ბოთლი. პროექტის განხორციელებაში მონაწილეობს ბევრი ცნობილი იაპონური კომპანია.
ოლიმპიური თამაშებისას ერთ-ერთი მნიშნელოვანი ცვლილება შეეხება გულშემატკივრების მიერ არენებზე სითხის შეტანას. ირკვევა, რომ ნებადართული იქნება ტრიბუნებზე 750 მილილიტრი მოცულობის უალკოჰოლო სასმელის პლასტიკის ბოთლით შეტანა.
XXXII ზაფხულის ოლიმპიური თამაშები ჩატარდება 2020 წლის 24 ივლისი-9 აგვისტოს ჩათვლით - იაპონიისთვის ყველაზე ცხელ თვეებში.
geonoc.org.ge
