ფინეთის ნაკრების ოცნება რეალობად იქცა - მარკუ კანერვას გუნდმა ისტორიაში არნახულ შედეგს მიაღწია და ევროპის ჩემპიონატის ფინალური ეტაპის საგზური მოიპოვა.

ფინეთმა დიდებულად ჩაატარა შესარჩევი ეტაპი და J ჯგუფში მხოლოდ იტალიის ნაკრებს ჩამორჩა. ფინელებმა მეცხრე ტურში ლიხტანშტაინს ადვილად, 3:0 აჯობეს, 18 ქულას მოუყარეს თავი და მდევართათვის მიუწვდომელნი გახდნენ.

ფინეთმა განვლილი 9 თამაშიდან 6 მოიგო, სამჯერ კი დამარცხდა. 18 ქულა კი, სრულიად საკმარისი გამოდგა ფინალურ ეტაპზე მოსახვედრად. ცნობისთვის, ფინეთი ისტორიაში პირველად გავიდა დიდ საფეხბურთო ფორუმზე და შესაბამისად, ევრო 2020-ზე დებიუტანტის სტატუსით იასპარეზებს.

ფინეთი - ლიხტანშტაინი 3:0 (1:0)

გოლები: 1:0 ტუმინენი (21), 2:0 პუკი (64), 3:0 პუკი (75)