ტურინის "იუვენტუსის" მთავარმა მწვრთნელმა მაურიციო სარიმ "ტორინოსთან" მოგებული დერბის შემდეგ განაცხადა, რომ მის გუნდს რთული მეტოქე ყავდა და "ბიანკონერმა" ჩვეულ სტილში ვერ ითამაშა. ტურინულ დერბიში ერთადერთი გოლი მატიას დე ლიხტმა 70-ე წუთზე გაიტანა.
"რთული მატჩი გამოვიდა. თავიდანვე ნათელი იყო, რომ "ტორინო" დაცვაში იქნებოდა და ჩვენი მიზანი იყო თავდაპირველად მატჩზე კონტროლი დაგვეწესებინა და შემდეგ გოლი გაგვეტანა. არ იყო ისეთი შეხვედრა, სადაც ლამაზად ვითამაშებდით. მეტოქის სტილიდან და მათი ამჟამინდელი ფორმიდან გამომდინარე მოგვიწია განსხვავებულ სტილში თამაში, თუმცა ყოველ შემთხვევაში კარგია რომ გამარჯვება მოვახერხეთ." - ციტირებს სარის სიტყვებს DAZN-ი.
