ლეგენდარული სტადიონის „სან სიროს“ დანგრევა და მის ნაცვლად, ახალი ულტრათამანედროვე სტადიონის აშენება გადაწყდა. შედეგად, ახალი პროექტების წარდგენა უკვე დასრულდა კიდეც.

„სან სიროზე“ ორი პროექტია წარმოდგენილი, რომელთაგანაც ერთ-ერთი დამტკიცდება და სტადიონის მშენებლობაც დაიწყება.

პირველი პროქეტი წარმოადგინა კომპანია Manica-Sportium-მა. სტადიონი ფერებს შეიცვლის, „მილანის“ თამაშის დროს წითელი იქნება, ხოლო „ინტერის“ მატჩებისას - ლურჯი. პროქეტი ასევე ითვალისწინებს არენის გარშემო ცათამბჯენის მშენებლობას. სტენდები მთლიანად დაფარული, მაგრამ თვითონ ველი ღია იქნება.

მეორე პროექტი კი, კომპანია Populous-მა წარმოადგინა. სტადიონი იქნება შთაგონებული მილანით (იგულისხმება ქალაქი - რედ). ვიზუალურად კი მილანის ცნობილ ტაძარ დუომოს წააგავს. ამ პროექტიშიც გათვალისწინებულია ცათამბჯენი.

აღსანიშნავია, რომ ადრიანო გალიანიმ, რომელსაც „სან სიროზე“ არაერთი წელი აქვს გატარებული, სტადიონის დანგრევის იდეას მხარი დაუჭირა:

„რომანტიზმის დრო არაა. როგორ შეიძლება მილანს ახალ სტადიონზე უარი ვუთხრათ? პირადად მე Popolous-ის პროექტი მომწონს“, - თქვა გალიანიმ.