ერთთვიანი რეაბილიტაციის შემდეგ, „ბარსელონას“ მთავარვარსკვლავმა, ლიონელ მესიმ, პირველივე მატჩში ახალი ტრავმა მიიღო. ეს 24 სექტემბერს მოხდა, „ვილიარეალთან“ მატჩში (2:1). ინფორმაცია კატალონიური კლუბის პრესსამსახურმა დაადასტურა.

არგენტინელს მარცხენა ბარძაყის კუნთი დაეჭიმა და რეაბილიტაცია დასჭირდება.

23 სექტემბერს მესიმ ფიფას საუკეთესო მოთამაშის პრიზი მიიღო, მეორე დღეს კი ესპანური პრიმერას მატჩში „ვილიარეალთან“ პირველ ტაიმში ითამაშა. ტრავმის შემდეგ, ეს „ბარსელონას“ ძირითად შემადგენლობაში მისი პირველი გამოჩენა იყო.

არგენტინელმა მხოლოდ პირველ ნახევარში ითამაშა. თუმცა, საგოლე გადაცემით მაინც გამოირჩა. ანტუან გრიზმანს სწორედ მან გაატანინა.