კატალონიის „ბარსელონა“ მზადაა 16 წლის ანსუ ფატის შესანარჩუნებლად ყველაფერი გააკეთოს და გვინეა-ბისაუელ ფეხბურთელს ახალ კონტრაქტს სთავაზობს.
Radio Catalunya-ს ცნობით, ანსუს „ბარსა“ 5-წლიან ხელშეკრულებას გაუფორმებს და გარდა იმისა, რომ პირველ გუნდში იქნება, B გუნდში თამაშიც შესაძლებელი იქნება. იმ შემთხვევაში თუ ფატი პირველ გუნდში მატჩებს ჩაატარებს, მისი ხელფასი 1 მილიონ ევრომდე გაიზრდება, ხოლო მესამე წლიდან 1.5 მილიონ ევროს გამოიმუშავებს.
შეგახსენებთ, რომ ანსუ ფატიმ მიმდინარე სეზონში წარმატებულად დაიწყო და სამ მატჩში 2 გოლთან ერთად 1 საგოლე პასიც შეასრულა. ბოლო ცნობებით, 16 წლის შემტევი სულ მალე ესპანეთის მოქალაქე გახდება და პირინელთა ნაკრებში ითამაშებს (თავდაპირველად ასაკობრივში).
