საქართველოს ნაკრების ნახევარმცველმა ვაკო გვილიამ დანიასთან (0:0) მატჩის შემდეგ კომენტარი გააკეთა. ქართველი ფეცბურთელის განცხადებით, მიუხედავად იმისა, რომ ძირითად შემადგენლობაში ვერ მოხვდა, ყოველთვის მზადაა გუნდის დასახმარებლად.
„დღეს რატომ არ ვიყავი ძირითადში? არ ვიცი, ეს მწვრთნელის გადაწყვეტილება იყო და პატივს ვცემ ამ გადაწყვეტილებას. თუმცა, რა თქმა უნდა, ყველაფერს გავაკეთებ, რომ ყოველთვის ვითამაშო. ნაკრებში დიდი კონკურენციაა და ყოველთვის მზად ვარ მოედანზე შევიდე, გუნდს დავეხმარო, თუნდაც ცვლილებიდან.
საკმაოდ კარგი თამაში იყო, მომენტები გვქონდა, ბურთსაც ვფლობდით, დაცვაშიც კარგად ვითამაშეთ და ნამდვილად კარგი მატჩი გამოვიდა ჩვენი შესრულებით.
„დიახ, სეზონი კარგად დაიწყო ჩემთვის, ევროპა ლიგის ჯგუფში შესასვლელადაც ცოტა დაგვაკლდა, მაგრამ ვიფქრობ, რომ კარგად დავიწყეთ. ვცდილობ, რომ გუნდს დავეხმარო და ჯერჯერობით ყველაფერი კარგად მიდის“, - თქვა გვილიამ.
შეგახსენებთ, რომ საქართველოს ნაკრებს 5 თამაშის შემდეგ 4 ქულა აქვს და ქვეჯგუფში მეოთხე პოზიციაზე იმყოფება.
