დორტმუნდის „ბორუსიას“ ნახევარმცველი ჯეიდონ სანჩო ჩინებულ ფორმაშია და ბუნდესლიგის რეკორდიც დაამყარა. საქმე ისაა, რომ სანჩო გახდა ბუნდესლიგის ისტორიაში ფეხბურთელი, რომელმაც 15 გოლის გატანა ყველაზე ახალგაზრდულ ასაკში შეძლო.
ინგლისელი „კიოლნთან“ გატანილი გოლის დროს 19 წლისა და 151 დღის გახლდათ და ჰორსტ კოპელის რეკორდი დაამხო. კოპელმა 1967 წელს „შტუტგარტის“ რიგებში 15 გოლი 19 წლისა და 185 დღის ასაკში მოახერხა.
ჯეიდონ სანჩო „დორტმუნდს“ 2017 წელს შეუერთდა და გასულ სეზოში ბუნდესლიგაში 34 მატჩში, 12 გოლი გაიტანა და 14 საგოლე პასი მიითვალა. მიმდინარე სეზონში კი ორ ტურში უკვე ორჯერ გამოიჩინა თავი, ერთი გოლიც კი 2017-2018 წლების სეზონში გაიტანა.
„დორტმუნდმა“ კი, ბუნდესლიგის მეორე ტურში „კიოლნი“ 3:1 დაამარცხა და ესეც სანჩოს დიდი დამსახურებით, რადგან ინგლისელმა გოლი და საგოლე პასი შეასრულა.
