ფეხბურთი

11:43 | 24.08.2019 | ნანახია [] - ჯერ

სანჩესი "ინტერთან" ახლოსაა

მილანის „ინტერი“ ძალიან ახლოსაა ალექსის სანჩესის გადაბირებასთან. იტალიური მედია იტყობინება, რომ ტრანსფერი სავარაუდოდ ორშაბათს დაიხურება. სწორედ ამ დრომდე მისცა ვადა მილანურმა გუნდმა ინგლისურ მხარეს.

ამ ეტაპზე ერთადერთი დაბრკოლება არსებობს, რაც ჩილელის ხელფასს ეხება.ინგლისში ის 12.5 მილიონ ევროს გამოიმუშავებს. შეთანხმების საფუძველზე, გასამარჯელოს ნაწილს ისევ „მანჩესტერი“ გადაიხდის, თუმცა „ინტერი“ მხოლოდ 4.5 მილიონი ევროს გადახდაზეა თანახმა. „იუნაიტედი“ კი მოითხოვს, რომ იტალიურმა გრანდმა მინიმუმ 6 მილიონი გაიღოს ხსენებული 12.5 მილიონი ევროდან.

თუმცა, როგორც ვარაუდობენ, მხარეები აღნიშნულ საკითხზეც მიაღწევენ შეთანხმებას, რადგან ჩილელს იტალიაში დაბრუნება უნდა.

შეგახსენებთ, ალექსის სანჩესი „მანჩესტერის“ ღირსებას 2018 წლის ზამთრიდან იცავს, თუმცა „ოლდ ტრაფორდზე“ თავი ვერაფრით გამოიჩინა. მანამდე კი, „არსენალის“, „ბარსელონასა“ და „უდინეზეს“ რიგებში თამაშობდა.

სტატისტიკა
0.226399