ცნობილმა პორტუგალიელმა სპეციალისტმა ჟოზე მოურინიომ ახალხან დაწყებული პრემიერლიგის ფავორიტები დაასახელა. „განსაკუთრებულის“ აზრით, ჩემპიონობისთვის „მანჩესტერ სიტი“, „ლივერპული“ და „ტოტენჰემი“ იბრძოლებენ.

დანარჩენ გუნდებზე უკეთესი შანსი კი მოურინიოს თქმით, „სიტის“ მეორე გუნდს აქვს:

„ფავორიტები? „მანჩესტერ სიტი“, „ტოტენჰემი“, „ლივერპული“ და „მანჩესტერ სიტის“ B გუნდი“, - თქვა მოურინიომ.

შეგახსენებთ, მოურინიომ Sky Sports-ის ტელევიზიაში პრემიერლიგის ექსპერტად დაიწყო მუშაობა. რაც შეეხება ფავორიტებს, პირველ ტურში „სიტიმ“ „ვესტ ჰემს“ (5:0), „ტოტენჰემმა“ „ასტონ ვილას“ (3:1), ხოლო „ლივერპულმა“ „ნორვიჩს“ (4:1) აჯობა.