ფეხბურთი

14:27 | 25.07.2019 | ნანახია [] - ჯერ

ფიფას რეიტინგი: საქართველოს ნაკრები კვლავ 94-ე პოზიციაზეა, მომავალი მეტოქეები კი დაწინაურდნენ

ფიფას ოფიციალურ ვებგვერდზე, განახლებული სანაკრებო რეიტინგი გამოქვეყნდა, რომელშიც საქართველოს ნაკრების პოზიცია უცვლელი დარჩა. ვლადიმირ ვაისის გუნდი 1255 ქულით კვლავაც ასეულის ბოლო ნაწილში, 94-ე პოზიციაზე იმყოფება.

მოწინავე ათეულში რამდენიმე გადაადგილება მოხდა: ბელგია 1746 ქულით კვლავ პირველია, მეორე ადგილზე კი კოპა ამერიკის ტრიუმფატორი ბრაზილია განთავსდა, რომელმაც საფრანგეთს გადაასწრო. ერთა ლიგის გამარჯვებული პორტუგალია კი ერთი პოზიციით დაქვეითდა და მეექვსეზე გადაინაცვლა. ათეულს კი არგენტინის ნაკრები ასრულებს.

საქართველოს ნაკრების მომავალი მეტოქე ერთა ლიგაზე, ბელარუსი 2 პოზიციით დაქვეითდა და 84-ეა, ხოლო შესაძლო მეტოქეები ჩრდილოეთ მაკედონია და კოსოვო კვლავ პროგრესს განიცდიან. მაგალითად, კოსოვო ჯერაც ასეულს მიღმაა, მაგრამ 1 პოზიციით დაწინაურდა, მაკედონია კი 2 პოზიციით.

71. ჩრდილოეთ მაკედონია - 1333

84. ბელარუსი - 1286

120. კოსოვო - 1149

0.113982