კატალონიის „ბარსელონა“ მატის დე ლიხტის გადაბირების იმედს არ კარგავს და მიუხედავად იმისა, რომ ჰოლანდიელი პრაქტიკულად „იუვენტუსშია“, ბოლო მცდელობებს ახორციელებს.
Mundo Deportivo-ს ინფორმაციით, ხოსეპ ბართომეუმ დე ლიხტს პირადად დაურეკა და კატალონიაში გადაბარგება კიდევ ერთხელ შესთავაზა. თავის მხრივ, ამის შესახებ დე ლიხტმა მინო რაიოლას აცნობა, რომელმაც „ბლაუგრანას“ იგივე პირობები მოსთხოვა, რასაც „იუვენტუსი“ სთავაზობს.
ჯერჯერობით სხვა დეტალები არ ხმაურდება. პარალელურად, იტალიური მედია იტყობინება, რომ 19 წლის მცველი დღეს საღამოს ტურინში იქნება და ხვალ სამედიცინო შემოწმებას გაივლის.
როგორც ჩანს, ყველაფერი მხოლოდ მაშინ გაირკვევა, როდესაც დე ლიხტის ტრანსფერი ოფიციალურად დადასტურდება. ამ ეტაპზე დარწმუნებით მხოლოდ იმის თქმა შეიძლება, რომ ფეხბურთელი „აიაქსმა“ ავსტრიულ შეკრებაზე შესაძლო ტრანსფერის გამო არ წაიყვანა.
