ფრენკ ლამპარდის „ჩელსის“ მთავარ მწვრთნელად დანიშვნა გადაწყვეტილია, მაგრამ ინფორმაციის ოფიციალურად დადასტურებას სოციალური ქსელის გაუმართავი მუშაობა ხელს უშლის.
Daily Mail-ის ცნობით, ლონდონელებს ლამპარდის დაბრუნება უნდა დაედასტურებინათ, მაგრამ Facebook-სა და Instagram-ის შეფერხებით მუშაობის გამო ხვალამდე მოცდა მოუწევს.
ლამპარდი სამწლიან კონტრაქტს გააფორმებს და სეზონში 4 მილიონ ევროს გამოიმუშავებს, რასაც ბონუსები დაემატება. 41 წლის ინგლისელი უკვე ლონდონში იმყოფება.
შეგახსენებთ, ფრენკი გასულ სეზონში „დერბი ქაუნთის“ ავარჯიშებდა. „არისტოკრატების“ რიგებში ინგლისელს 648 მატჩში 211 გოლი აქვს გატანილი და 11 ტიტული მოიგო.
