მაურიციო სარიმ ტურინში პირველი პრესკონფერენცია გამართა „იუვენტუსის“ მთავარი მწვრთნელის რანგში.
„თავის დროზე „ნაპოლის“ ყველაფერი მივეცი. მერე ცოტა დავეჭვდი და პრემიერლიგაში მუშაობა გადავწყვიტე. შესანიშნავი გამოცდილება იყო. „იუვენტუსი“ დღეისათვის იტალიის საუკეთესო გუნდია და მათ სამშობლოში დაბრუნების საშუალება მომცეს. ეს მშვენიერი გვირგვინია ხანგრძლივი კარიერის კვალად.
არასოდეს მინახავს კლუბის ხელმძღვანელობისგან ასეთი დაჟინება მწვრთნელის შერჩევისას. ჩინებულმა ურთიერთობამ დამარწმუნა დავთანხმებოდი მათ შეთავაზებას.
მინდა ავდგე ყოველ დილით და მატჩების მოგება ვასწავლო. ზუსტი წარმოდგენა უნდა გვქონდეს ორ-სამ ფეხბურთელზე, რომლებიც გაგვაძლიერებენ და უკეთესობისკენ შეგვცვლიან. ასევე, მინდა კრიშტიანუს ახალი რეკორდების დამყარებაში დავეხმარო.“ - განაცხადა სარიმ.
