დიდი დიღომში მდებარე "ჭადრაკის დედოფლის აკადემიამ" მორიგ საშაბათო ტურნირს უმასპინძლა ელვისებურ ჭადრაკში.
შეჯიბრი 14 მონაწილეს შორის წრიული სისტემით 13 ტურად გაიმართა. 12 (!) პარტიაში გაიმარჯვა და მხოლოდ ერთი შეხვედრა დაასრულა ფრედ ირაკლი ახვლედიანმა.
გამარჯვებულს 1,5 ქულით ჩამორჩა ნიკა ვოლკოვი, ხოლო მესამე ადგილზე 10 ქულით დავით ლომსაძე გავიდა.
ქალთა შორის საუკეთესო შედეგი სოფო გვეტაძემ აჩვენა, ხოლო 12 წლამდე ჭაბუკებში საუკეთესო შედეგი დენიელ საფაროვმა აჩვენა.
1800-მდე კატეგორიის მქონე რეიტინგის მოჭადრაკეთა შორის კი პირველი გიორგი ოთინაშვილი იყო.
