მორიგი სანაკრებო მატჩების შემდეგ ფიფამ ივნისის თვის რეიტინგი გამოაქვეყნა, რომელშიც საქართველოს ნაკრების პოზიცია უცვლელი დარჩა. ვლადიმირ ვაისის გუნდი 1255 ქულით კვლავაც ასეულის ბოლო ნაწილში, 94-ე პოზიციაზე იმყოფება.

მოგეხსენებათ, „ჯვაროსნებმა“ ივნისში ორი თამაში ჩაატარეს - გიბრალტარს 3:0 აჯობეს, ხოლო დანიასთან 1:5 დამარცხდნენ.

ცნობისთვის, ევრო 2020-ის შესარჩევ ეტაპზე ქართველთა ორი მეტოქე, შვეიცარია და დანია ათეულში არიან (შესაბამისად, მე-9 და მე-10 ადგილებზე), ხოლო ირლანდია 32-ე პოზიციას იკავებს.

...90. კონგო - 1265

91. ლუქსემბურგი - 1265

92. ტრინიდადი და ტობაგო - 1260

93. კვიპროსი - 1258

94. საქართველო - 1255

95. ყირგიზეთი - 1252

96. ვიეტნამი - 1232

97. სომხეთი - 1230

98. იორდანია - 1229

99. ესტონეთი - 1228

100. - პალესტინა - 1224

მოწინავე ათეულში რამდენიმე გადაადგილება მოხდა, თუმცა, ლიდერთა ოთხეული უცვლელია. აი, ერთა ლიგის ტრიუმფატორი პორტუგალია ორი პიზიციით დაწინაურდა და მეხუთე ადგილზე აინაცვლა. იგივე პროგრესი განიცადა ესპანეთის ნაკრებმა და მეშვიდეა.

1. ბელგია - 1746 ქულა

2. საფრანგეთი - 1718

3. ბრაზილია - 1681

4. ინგლისი - 1652

5. პორტუგალია - 1631

6. ხორვატია - 1625

7. ესპანეთი - 1617

8. ურუგვაი - 1615

9. შვეიცარია - 1589

10. დანია - 1589

საქართველოს ნაკრების მომავალი მეტოქე ერთა ლიგაზე, ბელარუსი 82-ე ადგილზეა, ხოლო შესაძლო მეტოქეები ჩრდილოეთ მაკედონია და კოსოვო პროგრესს განიცდიან. მაგალითად, კოსოვო ჯერაც ასეულს მიღმაა, მაგრამ 6 პოზიციით დაწინაურდა.

73. ჩრდილოეთ მაკედონია - 1333

82. ბელარუსი - 1286

121. კოსოვო - 1149