ავსტრიის ქალაქ ლაიბნიცში დაწყებული ახალგაზრდული ევროპის თასის პირველი დღე წარუმატებელი გამოდგა საქართველოს ძიუდოისტთა ნაკრების წევრებისთვის.

1 ივნისს, საქმეში 13 ჩვენებური ჩაება, თუმცა, მათგან მედლის მოპოვება ვერცერთმა მოახერხა. მიზანთან ყველაზე ახლოს ლევან ებელაშვილი იყო, რომელიც რეპეშაჟის ფინალში გავიდა, იქ კი, ბრაზილიელ ჟულიო სეზარ ფილიოსთან დამარცხდა.
დანარჩენი ქართველები, რომლებიც შაბათს ტატამზე გავიდნენ, ამირან დარბაისელი, გიორგი ნასყიდაშვილი, თორნიკე მარგველაშვილი, შაქრო შათირიშვილი, სანდრო ძამაშვილი (ყველა – 60 კგ), ლუკა კაპანაძე, საბა კაპანაძე, ლაშა ნადირაძე, დავით ჩუტკერაშვილი (ყველა – 66კგ), თორნიკე გვიჩიანი, ლევან ებელაშვილი, ალეკო მამიაშვილი და გიორგი ჩიხელიძე (ყველა – 73 კგ.) იყვნენ.
კვირას, ევროპის თასზე ძალებს გიორგი გოჩილაიძე, ნიკა ზოიძე, ლევან ფსუტური, გიორგი შერაზადაშვილი (ყველა – 81 კგ.), ილია ბათურიშვილი, მიხეილ ბექაური, ნიკა შერმაზანაშვილი, ნიკა ხარაზიშვილი (ყველა – 90 კგ.), გიორგი კარიაული, ომარი საური, ილია სულამანიძე, ჯაბა ქარელიშვილი, გიორგი ჩიქოვანი (ყველა – 100 კგ.), საბა ინანეიშვილი, დავით მატიაშვილი და ამირან წიქორიძე (+100 კგ.) სცდიან.