გერმანიის ბუნდესლიგაში „უნიონ ბერლინი“ ითამაშებს, რომლის ღირსებას აკაკი გოგია იცავს. დედაქალაქელებმა პლეი-ოფში „შტუტგარტს“ აჯობეს და ისტორიაში პირველად მოიპოვეს გერმანიის ელიტარულ ლიგაში თამაშის უფლება.
„შვაბებისა“ და ბერლინელების პირველი დუელი „მერსედეს ბენც არენაზე“ უხვგოლიანი ფრით, 2:2 დასრულდა, ხოლო დღეს ბერლინში იგივე შედეგი დაფიქსირდა, ოღონდ გოლი არ გასულა და ბუნდესლიგის საგზური „უნიონს“ დარჩა, „შტუტგარტი“ კი გავარდა.
გოგია ხსენებულ მატჩში მოედანზე 82-ე წუთზე გამოჩნდა. ისე კი, გეტყვით, რომ 27 წლის ნახევარმცველმა II ბუნდესლიგაში 28 მატჩი ჩაატარა, 6 გოლი გაიტანა და 2 საგოლე პასიც შეასრულა.
