ფრანგულ „ლიონში“ ცვლილებებია. როგორც „ლომების“ ვებგვერდი იტყობინება, ამიერიდან მთავარი მწვრთნელის პოსტზე სილვინიო იმუშავებს.

ბრაზილიელმა სამწვრთნელი კარიერა 2011 წელს დაიწყო და სხვადასხვა პერიოდში „კრუზეიროს“, „რესიფეს“, „ნაუტიკოს“, „კორინთიანსის“, „ინტერისა“ და ბრაზილიის ნაკრების სამწვრთნელო შტაბში ასისტენტად მუშაობდა. ბოლოს კი ბრაზილიის 23 წლამდე ნაკრების მთავარი მწვრთნელი იყო.

ფეხბურთელობისას კი სილვინიოს „კორინთიანსში“, „არსენალში“, „სელტაში“, „ბარსელონასა“ და „მანჩესტერ სიტიში“ უთამაშია.

გარდა ამისა, „ლიონს“ ლეგენდა ჟუნინიო პერნამბუკანო დაბრუნდა. 44 წლის ბრაზილიელმა სპორტული დირექტორის პოსტი ჩაიბარა. შეგახსენებთ, ჟუნინიო „ლიონში“ 2001-2009 წლებში თამაშობდა და გუნდის ისტორიაში სახელი ოქროს ასოებით დატოვა.