ლონდონის „არსენალის“ ყოფილმა მოთამაშემ, იან რაიტმა, გუნდის ახალი სათამაშო ფორმის ფოტოები განათავსა სოციალურ ქსელში. მალევე მან წაშალა ისინი, თუმცა ფოტოები სხვა წყაროებში გამოჩნდა.
საშინაო ფორმა ტრადიციულ წითელ-თეთრ სტილშია შესრულებული, საგარეო კი ყვითელია. ეკიპირების პრეზენტაციაში პიერ-ემრიკ ობამეიანგმა და ალეკსანდრ ლაკაზეტმა მიიღეს მონაწილეობა.
კლუბის ახალი ტექნიკური სპონსორი ფირმა adidas-ია, რომელმაც Puma ჩაანაცვლა.
შეგახსენეთ, რომ ახლადდამთავრებულ პრემიერლიგაში მეხუთე ადგილი დაიკავა. 29 მაისს კი ბაქოში, ევროპა ლიგის ფინალური მატჩი ელის „ჩელსისთან.“
