ფეხბურთი საოცარ ისტორიებს გვთავაზობს. ერთ-ერთი ასეთი შემთხვევა უელსში მოხდა, რადგან კარდიფის უნივერსიტეტის გუნდმა ევროპა ლიგის საგზური მოიპოვა.
უელსის ჩემპიონატის ევროპა ლიგის პლეი-ოფის ფინალში „კარდიფ მეტი“ „ბალა თაუნს“ დაუპირისპირდა და 120 წუთი ფრედ, 1:1 დასრულდა, პენალტების სერიაში კი გაიმარჯვა. „კარდიფ მეტს“ ორი გმირი ჰყავდა - გოლის ავტორი ელიოტ ევანსი და მეკარე უილ ფალერი, რომელმაც პენალტების სერიაში სამი დარტყმა მოიგერია.
„კარდიფ მეტმა“ ისტორია დაწერა და ევროპა ლიგის საგზური 1000 კაცზე ნაკლები აუდიტორიის წინაშე მოიპოვა (ამ რაოდენობის ქომაგი დაესწრო შეხვედრას).
უნივერსიტეტის გუნდი დაკომპლექტებულია სამაგისტრო და სადოქტორო სტუდენტებისგან, ევროპა ლიგაზე კი პირველი საკვალიფიკაციო ეტაპიდან ჩაერთვება.
