მადრიდის „რეალმა“ 2018-2019 წლების სეზონი კატასტროფულად ჩაატარა და დასკვნითი მატჩიც საკუთარი გულშემატკივრის თვალწინ სევილიის „ბეტისთან“ (0:2) წააგო.
ყველა ტურნირის ჩათვლით ეს „სამეფო კლუბისთვის“ მე-18 წაგება გამოდგა აწ უკვე დასრულებულ სეზონში. საინტერესოა, რომ მადრიდულ გრანდს ამაზე უარესი მაჩვენელი ისტორიაში ერთადერთხელ ჰქონდა, როდესაც 1984-1985 წლების სეზონში 19 თამაში წააგო.
შეგახსენებთ, რომ „რეალი“ ესპანეთის ჩემპიონატში მესამე ადგილზე გავიდა, ჩემპიონთა ლიგას მერვედფინალში, ხოლო სამეფო თასს ნახევარფინალში გამოეთიშა.
