მეორე ევროპული თამაშების მონაწილეთათვის განკუთვნილი ათლეტთა სოფლის სამშენებლო სამუშაოები ფინიშის სწორზე გავიდა.

ბელარუსის სახელმწიფო უნივერსიტეტის საერთო საცხოვრებლის კომპლექსი ცხრა შენობისგან შედგება და შეუძლია 9800-ზე მეტი ადამიანი მიიღოს. უშუალოდ შეჯიბრების დღეებში აქ განთავსდებიან ოფიციალური სპორტული დელეგაციები - დაახლოებით 6 ათასამდე ადამიანი.

სპორტსმენთა და მათი თანმხლები პირებისთვის განკუთვნილი სოფელი აეროპორტიდან ნახევარი საათის სავალზეა. ყველა სპორტული არენა იქვეა განთავსებული, ხოლო ყველაზე შორს ტყვიის მსორლელთა სარბიელი მდებარეობს და იქ მისასვლელად 35-40 წუთია საჭირო.

მზად არის სასადილოც, რომელსაც შეუძლია ერთბაშად მოემსახუროს 2 ათასამდე ადამიანს. ასევე ცნობილია, რომ სპორტსმენთა სოფელში დაახლოებით 700 მოხალისე იმუშავებს.

13 მაისიდან კომპლექსის ტერიტორიაზე გარეშე შესვლა შეიზღუდება, 15 ივნისიდან კი აქ პირველ სტუმრებს ელიან.

www.geonoc.org.ge