კატალონიის „ბარსელონა“ ლონდონის „არსენალის“ თავდამსხმელ ალექსანდრ ლაკაზეტის გადაბირებითაა დაინტერესებული. Express-ის ცნობით, ესპანური გრანდი მზადყოფნას გამოთქვამს, რომ ფრანგის სანაცვლოდ 70 მილიონი ევრო გაიღოს.

„ბარსას“ მთავარი სამიზნე თავდასხმის ხაზში მადრიდის „ატლეტიკოს“ შემტევი ანტუან გრიზმანია, მაგრამ „როხიბლანკოსთან“ თუ გარიგებას ვერ მოახერხებს, მაშინ „არსენალის“ ფორვარდის ყიდვას ეცდება.

მიმდინარე სეზონში სეზონში ლაკაზეტმა ყველა ტურნირის ჩათვლით 49 თამაში ჩაატარა, 18 გოლი გაიტანა და 12 საგოლე პასი მიითვალა. ფრანგი „მეთოფეებმა“ 2017 წლის ზაფხულში „ლიონიდან“ 35 მილიონ ევროდ შეიძინეს.

აქვე გეტყვით, რომ ცოტა ხნის წინ, „ბარსელონამ“ შეთანხმებას მიაღწია „გრონინგემთან“ ნახევარმცველ ლუდოვიტ რეისის ტრანსფერთან დაკავშირებით.