იტალიის თასის ნახევარფინალში „ლაციოსთან“ მარცხის შემდეგ (0:1), „მილანის“ მთავარმა მწვრთნელმა, ჯენარო გატუზომ ჟურნალისტებს თავისი აზრი გაუზიარა.
„სამი მცველით რატომ ვითამაშეთ? ხანდახან მწვრთნელები რაღაცეებს ცვლიან, რათა გუნდმა უკეთ ითამაშოს. ზოგჯერ ასეთი სვლა არ ამართლებს. ამის გამო ბოლო დროს პრობლემები გვექმნება. არ მგონია ეს ფიზიკური მომზადების ბრალი იყოს. უფრო ფსიქოლოგიისა და ტაქტიკის საქმეა. უკან გადავდგით ნაბიჯი. ისეთი შთაბეჭდილება მრჩება, თითქოს ჩართული ხელის მუხრუჭით ვთამაშობთ.
„ლაციოსთან“ ვცადეთ ისე გავრჯილიყავით, თითქოს ეს სიკვდილ-სიცოცხლის საქმე იყო, მაგრამ არაფერი გამოვიდა. სეზონის ბოლომდე კიდევ ერთი თვეა და ვეცდებით ვითარება გამოვასწოროთ.“ - უთხრა გატუზომ Rai Sport-ს.
