ბერგამოს „ატალანტა“ მიმდინარე სეზონში შესანიშნავად თამაშობს და ჩემპიონთა ლიგაზე გასვლის შანსი აქვს. ჯამპიერო გასპერინის გუნდმა სერია A-ს 33-ე ტურში ნეაპოლში, „ნაპოლი“ (2:1) დაამარცხა.
ნამატჩევს იტალიელმა სპეციალისტმა კომენტარი გააკეთა და აღნიშნა, რომ ჩემპიონთა ლიგაზე გასვლა მისი გუნდისთვის ტიტულის ტოლფასი იქნება.
„ვიცოდით, რომ სტუმრად, ასეთ რთულ სტადიონზე გამარჯვება დიპლომის აღების ტოლფასი იქნებოდა. ეს არის ევროპისთვის ფანტასტიკური სამი ქულა, ახლა ჩემპიონთა ლიგის საგზურისთვის ბრძოლაშიც ვართ. ბევრი გუნდი ერთმანეთთან ახლოს ვართ, „მილანთან“ პირად მატჩებში უარყოფით ბალანსი გვაქვს, მაგრამ ეს კარგი თამაშია.
ჩემპიონთა ლიგის საგზური თუ იტალიის თასის მოგება? ჩვენთვის ჩემპიონთა ლიგაზე გასვლა ტიტულის ტოლფასი იქნება. განსაკუთრებული მოვლენა. რა თქმა უნდა, ასევე გვინდა იტალიის თასის მოგებაც, სადაც „იუვენტუსი“ დავამარცხეთ“, - თქვა გასპერინიმ.
შეგახსენებთ, „ატალანტა“ „მილანთან“ ერთად 56-56 ქულით მეოთხე-მეხუთე ადგილებს ინაწილებს და ჩემპიონთა ლიგაზე გასვლის შანსი აქვს, ხოლო იტალიის თასზე ნახევარფინალშია, სადაც ფლორენციაში, „ფიორენტინასთან“ ფრედ, 3:3 ითამაშა და ახლა საპასუხო მატჩს საკუთარ მოედანზე ჩაატარებს.
