საქართველოს დავით ყიფიანის სახელობის თასის გათამაშების 1/16 ფინალური ეტაპი დასრულდა და შესაბამისად, ყველა მერვედფინალისტის ვინაობა გაირკვა.

დღეს გამართული მატჩებიდან აღსანიშნავია „ზუგდიდის“ გამარჯვება „ცხინვალთან“. მატჩი მეტად დაძაბული და დრამატული გამოდგა და მეგრულმა გუნდმა გამარჯვება დამატებით დროში მოიპოვა.

თასის მოქმედმა მფლობელმა ქუთაისის „ტორპედომ“ „ბორჯომი“ ადვილად, 4:1 დაამარცხა. კახა ჩხეტიანის გუნდი უკვე პირველივე ტაიმში იგებდა ოთხბურთიანი უპირატესობით და ბუნებრივია, დაწყებული საქმის ბოლომდე მიყვანა არ გასჭირვებია.

„რუსთავმა“ ბათუმის „დინამოს“ მეორე გუნდი ადვილად დაამარცხა და შემდეგ ეტაპზე გავიდა, ხოლო ფოთის „კოლხეთი“ რომ რთუ ვითარებაშია, კიდევ ერთხელ დამტკიცდა. ფოთელები „სპაერთან“ 1:5 განადგურდნენ.

1/16 ფინალური ეტაპი დღის ცენტრალური მატჩით დასრულდა, რომელშიც თბილისის "ლოკომოტივი" და საჩხერის "ჩიხურა" დაუპირისპირდნენ.გამარჯვებულის ვინაობა თითქოს დამატებით დროში უნდა გარკვეულიყო (ან პენალტების სერიაში), მაგრამ მსაჯის მესამე დამატებულ წუთზე თეიმურაზ შონიამ პენალტი ზუსტად დაარტყა და "ლოკომოტივი" მერვედფინალში გაიყვანა.

„დინამო ბათუმი 2“ – „რუსთავი“ 0:2 (0:1)

გოლები: 0:1 ციცქიშვილი (31), 0:2 ქოჩლაძე (86)

„გაგრა“ – „შუქურა“ 2:0 (1:0)

გოლები: 1:0 ხარებაშვილი (28), 2:0 ნიკოლაშვილი (90)

„ბორჯომი“ – „ტორპედო“ 1:4 (0:4)

გოლები: 0:1 კაპანაძე (5), 0:2 ცინცაძე (22, პენ), 0:3 ლუკა (29), 0:4 ლუკა (36), 1:4 მოსიძე (74)

„ბეთლემი“ – „გაგრა“ 1:2 (0:1)

გოლები: 0:1 კიკნაძე (45), 0:2 სკოტარენკო (75), 1:1 ზოიძე (84)

„ზუგდიდი“ – „ცხინვალი“ 3:2 დ.დ (0:0)

გოლები: 1:0 ფიფია (79), 1:1 ბუხაიძე (90), 2:1 სიპატოვი (102), 2:2 ბუხაიძე (110), 3:2 წურწუმია (113)

„თელავი“ – „ვიტ ჯორჯია“ 3:0 (1:0)

გოლები: 1:0 ერისთავი (19, პენ), 2:0 ერისთავი (59), 3:0 ხაჩიძე (86)

„ზესტაფონი“ – „მერანი“ (თბ) 0:2 (0:0)

გოლები: 0:1 ბოლქვაძე (81), 0:2 ბოლქვაძე (90)

„სპაერი“ – „კოლხეთი“ 5:1 (3:1)

გოლები: 1:0 შუშიაშვილი (2), 2:0 ვაჩაიძე (6), 3:0 მაჭავარიანი (17, პენ), 3:1 გოგოლაშვილი (21), 4:1 ჩიგოევი (65), 5:1 ღავთაძე (68)

"ლოკომოტივი" - "ჩიხურა" 1:0 (0:0)

გოლი: 1:0 შონია (90, პენ)