საქართველოს დავით ყიფიანის სახელობის თასის გათამაშების 1/16 ფინალურმა ეტაპმა სტარტი დღეს აიღო და 6 მერვედფინალისტის ვინაობა ცნობილია.

ყველაზე საინტერესო დაპირისპირება სამტრედიაში შედგა, სადაც ადგილობრივმა გუნდა გორის „დილას“ უმასპინძლა და დრამატულ ბრძოლაში დაამარცხა. ალვინ ფორტესმა და გურამ სამუშიამ 50-ე წუთისთვის დუბლის შესრულება მოახერხეს, რასაც გიორგი ახალაძის გაძევება მოჰყვა და მასპინძლები რიცხობრივ უმცირესობაში დარჩნენ. მიუხედავად ამისა, კაცნაკლულმა „სამტრედიამ“ თამაშის მიწურულს ვარლამ კილასონიას გოლით გამარჯვება მაინც მოახერხა, რამაც მერვედფინალის საგზურიც მოუტანა.

„დინამო თბილისმა“ „ეგრისი“ ადვილად, 4:1 დაამარცხა. ეს თამაში თბილისელთა შემტევის ლევან შენგელიას ბენეფისად გადაიქცა, რომელმაც პოკერი შეასრულა და საკუთარ გუნდს მომდევნო ეტაპზე წარუძღვა.

ბოლნისის „სიონმა“ მსაჯის კომპენსირებულ დროში გატანილი გოლით თბილისის „შევარდენს“ აჯობა. „თბილისი „სითმა“ „ლეგიონს“, „გარეჯმა“ „ჭიათურას“, ხოლო მარტვილის „მერანმა“ „იბერიას“ აჯობა.

საქართველოს თასის 1/16 ფინალური ეტაპის გამორჩეული დაპირისპირება დღეს, 20:00 საათზე „საბურთალოსა“ და ბათუმის „დინამოს“ შორის შედგება, ხოლო დანარჩენი 9 მატჩი ხვალ გაიმართება.

„ლეგიონი“ – „თბილისი სითი“ 1:2 (0:1)

გოლები: 0:1 პავლიაშვილი (33, ა.გ), 0:1 გოგატიშვილი (58), 1:2 ქარელი (88)

„ეგრისი“ – „დინამო თბილისი“ 1:4 (0:1)

გოლები: 0:1 შენგელია (11), 0:2 შენგელია (66), 0:3 შენგელია (69), 0:4 შენგელია (76), 1:4 ქობალია (88, პენ)

„სამტრედია“ – „დილა“ 3:2 (1:1)

გოლები: 0:1 ფორტესი (20), 1:1 სამუშია (47), 2:1 სამუშია (47), 2:2 ფორტესი (50), 3:2 კილასონია (79)

„გარეჯი“ – „ჭიათურა“ 2:0 (0:0)

გოლები: 1:0 ბექაური (52), 2:0 ჯოხაძე (58, პენ)

„იბერია 2010“ – „მერანი“ 0:2 (0:1)

გოლები: 0:1 ბიბილაშვილი (43), 0:2 საღრიშვილი (67)

„შევარდენი“ – „სიონი“ 1:2 (0:0)

გოლები: 0:1 მაქაცარია (58), 1:1 ივანიაძე (84), 1:2 თარგამაძე (90)