მადრიდის „რეალის“ მთავარი სამიზნე ზაფხულის სატრანსფერო პერიოდში პსჟ-ს თავდამსხმელი კილიან მბაპე იქნება. France Football-ის ცნობით, „სამეფო კლუბში“ დაბრუნებულ ზინედინ ზიდანისთვის თანამემამულე პირველი სამიზნეა.
როგორც ფრანგული გამოცემა წერს, მადრიდელებს საოცარი წინადადება მზად აქვთ - 280 მილიონი ევრო პარიზელებს მბაპეს სანაცვლოდ.
„რეალს“ ფრანგის შეძენის მცდელობა 2017 წელსაც ჰქონდა, თუმცა მაშინ ფეხბურთელმა პსჟ-ში გადასვლა ამჯობინა. მიმდინარე სეზონში კილიან მბაპემ ყველა ტურნირის ჩათვლით 35 მატჩი ჩაატარა, 31 გოლი გაიტანა და 15 საგოლე პასი მიითვალა.
