მექსიკის ქალაქ მონტერეიში მიმდინარე საერთაშორისო ტურნირზე, რომლის საპრიზო ფონდიც 25 ათასი დოლარია, სოფო შაფათავა ერთეულთა ბადეს გამოეთიშა.

საქართველოს პირველი ჩოგანი მერვედფინალში სლოვენიელ ნასტია კოლარს გაეჯიბრა და ტურნირის მე-3 ნომერთან 1:6, 2:6 დამარცხდა. ისიც ვთქვათ, რომ თავად სოფოს მე-3 რეიტინგი გააჩნდა.

შეგახსენებთ, რომ შაფათავა არგენტინელ ფლორენსია მოლინეროსთან ერთად, წყვილთა ნახევარფინალშია გასული, სადაც ძალებს ბრაზილიელი სეს და თურქი ოზგენის დუეტთან მოსინჯავს.