კვირას გერმანიის ბუნდესლიგის 25-ე ტურის მატჩები გაიმართა და ლიდერებმა დაგეგმილი გამარჯვება მოიპოვეს.
"ჰოფენჰაიმმა" ბოლოადგილოსანი "ნიურბერგი" ანდრეი კრამარიჩის დუბლის წყალობით 2:1 დაამარცხა. სტუმართაგან კი გოლი ჰანო ბერენსმა გაიტანა. ხორვატიის ეროვნული ნაკრების თავდამსხმელმა "ჰოფენჰაიმის" მაისურით ბუნდესლიგაში 45 გოლი გაიტანა და კლუბის რეკორდსმენს სეიად სალიჰოვიჩს ერთი ბურთით ჩამორჩება.
"ლევერკუზენმა" სატურნირო ცხრილში ბოლოსწინა ადგილზე მყოფ "ჰანოვერს" სტუმრად 3:2 სძლია. "ბაიერმა" პირველი ტაიმი კევინ ვოლანდის დუბლის შედეგად მოიგო. მეორე ნახევარში კი მასპინძლები გამოფხიზლდნენ, ჯერ ჯონათასმა გაიტანა, შემდეგ კი ავტოგოლი მიტჩელ ვეიზერმა მიითვალა. საბოლოოდ გამარჯვება "ლევერკუზენს" 87-ე წუთზე კაი ჰავერცის გოლმა მოუტანა.
"ფარმაცევტებს" ბუნდესლიგაში 42 ქულა მოუგროდათ და ჩემპიონთა ლიგის ზონას მიუახლოვდნენ. "ლევერკუზენი" მესამე ("ლაიპციგი") და მეოთხე ("გლადბახი") ადგილებზე მყოფ გუნდებს ოთხი ქულით ჩამორჩება. მიმდინარე სეზონში "ბაიერი" 18 ქულით "ბაიერნის" (21) შემდეგ ყველაზე შედეგიანი გუნდია გერმანიის ჩემპიონატში.
ჰოფენჰაიმი - ნიურბერგი 2:1 (1:0)
გოლები: 1:0 კრამარიჩი (25), 1:1 ბერენსი (61), 2:1 კრამარიჩი (78)
ჰანოვერი - ლევერკუზენი (0:2)
გოლები: 0:1, 0:2 ვოლანდი (13, 28), 1:2 ჯონათასი (51), 2:2 ვეიზერი (73, ავტოგოლი), 2:3 ჰავერცი (87)
