„ნაპოლის“ მთავარ მწვრთნელს, კარლო ანჩელოტის, მიაჩნია, რომ „იუვენტუსის“ გადასასწრებად, მის გუნდს ჯარ კიდევ ბევრი შრომა მოუწევს.
„ყოველმა ჩვენგანმა საკუთარი თავის მოტივირება უნდა შეძლოს. სხვას კი არ უნდა შეედაროს, არამედ საკუთარ თავს, ოღონდ წარსულში და დააკვირდეს, რამდენად განვითარდა.
მესის მსგავსი რომ გახდე, გენეტიკაში უნდა გაგიმართლოს. მაგრამ, შეიძლება ყოველდღე ივარჯიშო და დაიხვეწო.
ასევეა გუნდების შემთხვევაშიც. გეტყვით, რომ ერთხელაც „იუვენტუსს“ გადავუსწრებთ, თუმცა ეს მიზანი ჯერ შორსაა. ბევრი შრომა დაგჭირდება ამისათვის. ახლა, ჩვენი მთავარი ამოცანაა გვყავდეს გუნდი, რომელიც ბოლომდე იბრძვის.“ - განუცხადა ანჩელოტიმ Corriere della Sera-ს.
