კალათბურთი

15:16 | 8.11.2018 | ნანახია 352 - ჯერ

გიორგი შერმადინი: “მეტოქის გატეხვა მე-2 ტაიმში მოვახერხეთ”

ესპანური “უნიკახას” ქართველი ცენტრი გიორგი შერმადინი ევროთასის გასულ ტურში ლიტვურ “რიტასთან” მატჩს გამოეხმაურა. შეგახსენებთ, რომ მალაგელებმა კაუნასელები 95:76 დაამარაცხეს, ჩვენებური კი მატჩის უძვირფასესი მოთამაშე (MVP) გახდა.

შერმადინი სასტარტო ხუთეულში გამოჩნდა და 21:03 წუთში 23 ქულა, 5 მოხსნა, 1 პასი, 1 ჩაჭრა და 1 დაფარება მიითვალა. გიორგიმ 10-დან 9 ორქულიანი და 5-ვე საჯარიმო ჩააგდო, ბურთი 2-ჯერ დაკარგა, ამდენივე პერსონალური ფოლი მიიღო, მის წინააღმდეგ კი 3-ჯერ დაჯარიმდნენ. შედეგად, ქართველი სარგებლიანობის კოეფიციენტი 29-ს გაუტოლდა, რაც მატჩის საუკეთესო მაჩვენებელი იყო.
“შემიძლია ვთქვა, რომ კარგი მატჩი ჩავატარეთ. მეტოქე ძალიან კარგად გამოიყურებოდა, ამდენად, ვიცოდით, რომ გამარჯვება რთული იქნებოდა. ლიტველები სწრაფად თამაშობდნენ, თუმცა, მე-2 ტაიმში მათი გატეხვა მაინც მოვახერხეთ”, - განაცხადა საქართველოს ნაკრების ერთ-ერთმა ლიდერმა.
როგორც უკვე ვიუწყებოდით, “უნიკახამ” 5 მოგება და 1 მარცხი მოაგროვა და ევროთასის D ჯგუფს ყაზანის “უნიკსთან” ერთად ლიდერობს, მომდევნო შეხვედრას კი 14 ნოემბერს, სტუმრად, გერმანულ “ფრანკფურტთან” გამართავს. მანამდე, 11 ნოემბერს, ესპანეთის ჩემპიონატში, მალაგელები “ბრეოგანს” უმასპინძლებენ.

Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 20
250 x 188
სარეკლამო ადგილი - 22
250 x 250
0.064438