ჩვენთანაც წაიკითხავდით, ამ ცოტა ხნის წინ, იტალიის ყოფილმა პრემიერ-მინისტრმა და “მილანის“ ასევე ყოფილმა მეპატრონემ სილვიო ბელუსკონმა მის ახალ საფეხბურთო კლუბ “მონცაში“ ფეხბურთელებს ტატუებისა და საყურეების ტარება რომ აუკრძალა. ბერლუსკონიმ ეს ყველაფერი იმით ახსნა, რომ დროა ფეხბურთი ჩამოვაშორით სნობიზმს და თავის ბუნებრივ საწყისებს დავუბრუნოთო.
ამ ამბავს უკვე გამოეხმაურა იტალიის ფეხბურთელთა პროფკავშირი, სადაც ფიქრობენ, რომ ბატონი სილვიოს ეს გადაწყვეტილება და განცხადება გარდა იმისა, რომ ფეხბურთელების დისკრედიტაციას ახდენს, ასევე არღვევს შრომით უფლებებსაც, რადგან მათი აზრით ადამიანს უფლება აქვს სამუშაო ადგილზე (ამ შემთხვევაში საფეხბურთო მოედანზე) ისე იმოღვაწეოს, როგორც მას გაუხარდება და რაც მთავარია, საქმე ამით არ გაფუჭდება.
თითქოს ამ წინააღმდეგობას ელოდაო, ბერლუსკონკმა მთლად “აუშვა აფრები“ და განაცხადა: მხოლოდ საყურეებსა და ტატუებს კი არა, ზედმეტად გრძელ თმებსაც ვკრძალავ და ჩემს კუთვნილ კლუბში მოღვაწე ხალხის იერ-სახეს თავად ვაწესებო. საინტერესოა, საბოლო ჯამში “მონცასთვის“ რა შედეგების მომტანი აღმოჩნდება ეს აკრძალვები და აისახება თუ არა კლუბის მიერ ნაჩვენებს შედეგებზე უტატუო, უსაყურებო და მოკლეთმიან მობურთალთა იმიჯი.
