ბათუმში მიმდინარე 43-ე საჭადრაკო ოლიმპიადის მეშვიდე ტურში ლიდერთა სამეულში მყოფ საქართველოს ქალთა პირველ ნაკრებს მეტად რთული შეხვედრა ჰქონდა ინდოეთის გუნდთან.

ნანა ძაგნიძე (2509) დაუზავდა ჰამპი კონერუს (2557), ლელა ჯავახიშვილი (2475) - დრონავალ ჰარიკას (2500), ბელა ხოტენაშვილი (2469) - როუტ პადმინს (2338), ნინო ბაციაშვილი (2482) - საჩდევ ტანიას (2400). საბოლოოდ ფრე 2:2.

საქართველოს მეორე ნაკრები ფილიპინების გუნდს დაუპირისპირდა, რომელიც ჭადრაკში ვარსკვლავებს ნამდვილად არ წყვეტს. ჩვენმა გოგონებმა მეტოქე 3:1 დაამარცხეს.

ჩვენმა მესამე გუნდის მოჭადრაკე ქალებმა ავსტრიელები გაანადგურეს - 4:0.

რაც შეეხება ვაჟებს. საქართველოს ვაჟთა პირველი ნაკრები მაკედონიის გუნდს შეხვდა და მშრალი ანგარიშით დაამარცხა - 4:0.

ბაადურ ჯობავამ (2634) მოუგო კირილ გეორგიევს (2590), ივან ჩეპარინოვმა (2715) - ფილიპ პანჩევსკის (2489), ლევან ფანცულაიამ (2589) - ტრაიკო ნედევს (2496), დავით ჯოჯუამ (2590) - ნიკოლა ნიკოლოვსკის (2388)

ჩვენი მეორე გუნდი კოლუმბიის ნაკრებთან 1,5:2,5 დამარცხდა, მესამე გუნდი კი- მოლდოვის ნაკრებთან - 1:3.

ტურის სრულ მიმოხილვას მოგვიანებით შემოგთავაზებთ.

თენგიზ ჩობანიძე, სპეციალურად worldsport.ge-ისთვის ბათუმიდან