ქართველი ჩოგბურთელი ალექსანდრე მეტრეველი თურქეთის ქალაქ სტამბულში დაწყებული ჩელენჯერის (საპრიზო ფონდი 75 ათასი დოლარი) ძირითად ბადეში “უაილდ ქარდის” წყალობით მოხვდა, თუმცა, შანსი ვერ გამოიყენა.
მეტრეველი საწყის რაუნდში ყაზახ ალეკსანდრ ნედოვესოვს გადაეყარა და 3:6, 4:6 დამარცხდა. წყვილთა ტურნირში მეტრეველი და ავსტრიელი ლუკას მიედლერი პირველი განთესვის მქონე ავსტრალიურ-ინდურ დუეტს (ჯუნაიდი-რაჯა) გაეჯიბრებიან.
