ავტოსპორტი

3:00 | 5.09.2018 | ნანახია 292 - ჯერ

„მაკლარენში“ ვანდოორნს ახალბედა ლანდო ნორისი შეცვლის

„მაკლარენმა“ გამოაცხადა, რომ მომავალ სეზონში, მის ესპანელ პილოტ კარლოს საინსს თანაგუნდელად 18 წლის ახალბედა ბრიტანელი ლანდო ნორისი ეყოლება. უოკინგელთა ახალგაზრდა პილოტების პროგრამის წევრმა, ფ1-ის მეორე ყველაზე წარმატებულ გუნდთან მრავალწლიანი კონტრაქტი გააფორმა. გუნდში ის ბელგიელი სტოფელ ვანდოორნის ადგილს დაიკავებს.

ნორისი „მაკლარენის“ ახალგაზრდა პილოტთა პროგრამას 2017 წელს შეუერთდა, ახლახანს კი, ჯერ უნგრეთის დიდი პრიზის შემდგომ ჩატარებულ ოფიციალურ ტესტებში მიიღო მონაწილეობა, შემდეგ კი ბელგიის და იტალიის დიდი პრიზების პირველ თავისუფალ პრაქტიკებზეც იასპარეზა. გარდა ამისა, მიმდინარე სეზონში ის ფორმულა 2-ის ჩემპიონის ტიტულისთვის იბრძვის (მეორე ადგილზეა), სადაც კონკურენციას „მერსედესის“ იუნიორს, ბრიტანელ ჯორჯ რასელს უწევს.

„ჩვენ გვჯერა, რომ ლანდო ნიჭიერი, დიდი პოტენციალის მქონე მრბოლია და „მაკლარენში“ სწორედ ამის გამო მოვიყვანეთ. ის არის სწრაფი, ადვილად სწავლობს და აქვს ჩამოყალიბებული აზროვნება. ჩვენ მასთან თანამშრომლობის დიდ პოტენციალს ვხედავთ. ინვესტიცია, რომელიც მისი კარიერის დასაწყისში სიმულატორზე და შემდგომში, რეალურ რბოლებში გავიღეთ, სრულიად დამსახურებულია. ის აქვს არამხოლოდ საჭით მუშაობის, არამედ ინჟინრებთან ურთიერთობის უნარი. ლანდოს და კარლოსის სახით, შესანიშნავი წყვილი გვყავს, რომელიც ახალგაზრდობის მიუხედავად, საკმაო გამოცდილებითაც გამოირჩევა. ეს „მაკლარენის“ მომავალი თაობაა, რომლებიც გუნდს წინსვლაში დაეხმარებიან“, - ამბობს „მაკლარენ რეისინგის“ შეფი ზეკ ბრაუნი.

Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 9
250 x 250
სარეკლამო ადგილი - 20
250 x 188
სარეკლამო ადგილი - 22
250 x 250
0.067635