ლონდონის „ტოტენჰემისა“ და საფრანგეთის ნაკრების მეკარე უგო ლორისი ინგლისის პოლიციამ დააპატიმრა. BBC-ის ინფორმაციით, ფრანგი კიპერი პოლიციამ მანქანის მართვისას 24 აგვისტოს გააჩერა.
აღმოჩნდა, რომ ლორისი საჭეს არაფხიზელ მდგომარეობაში, ალკოჰოლის ზემოქმედების ქვეშ მართავდა. შედეგად ის დააპატიმრეს, მაგრამ მალევე გირაოს სანაცვლოდ გაათავისუფლეს.
ბრიტანული მედიის ცნობით, ლორისი 11 სექტემბერს, ლონდონის სასამართლოში უნდა გამოცხადდეს.
შეგახსენებთ, რომ 31 წლის მეკარე მიმდინარე ზაფხულში საფრანგეთის ნაკრების შემადგენლობაში მსოფლიოს ჩემპიონი გახდა.
