კოლუმბიელმა ფეხბურთელმა კარლოს ბაკამ, რომელიც "ვილიარეალში" თამაშობს იტალიურ კლუბის დატოვების შესახებ კომენტარი გააკეთა. 31 წლის ფეხბურთელმა აღნიშნა, რომ “მილანიდან” წასვლის გადაწყვეტილება თვითონვე მიიღო.
“მილანში” დარჩენის შესაძლებლობა მქონდა, ეს ჯენარო გატუზოსა და ლეონარდოსაც უნდოდა, თუმცა მე მივიღე გადაწყვეტილება, რომ დამეტოვებინა “როსონერი”. გადაწყვეტილება ოჯახთან ერთად მივიღე და ახლა ვეცდები სეზონი მაღალ დონეზე ჩავატარო”, - განაცხადა ბაკამ.
გასულ სეზონში ბაკა “ვილიარეალის” შემადგენლობაში იჯარის წესით გადავიდა "მილანიდან", სადაც 35 მატჩში 15 გოლი და 6 საგოლე გადაცემა მიითვალა, რაც შეეხება "შავ-წითლებს", იტალიურ კლუბში თავდამსხმელი 2015-2017 წლებში თამაშობდა.
