საერთაშორისო ოლიმპიური კომიტეტის (IOC) პრესსამსახურის ცნობით, პეკინის 2022 წლის ზამთრის ოლიმპიურ თამაშების დისციპლინებში ცვლილებები შეიტანეს. ასევე ხაზგასმულია, რომ 2022 წლის ოლიმპიადა გენდერულად მეტნაკლებად თანასწორი იქნება, რაც ქალ სპორტსმენთა რაოდენობის გაზრდითაა განპირობებული.
IOC-ის გადაწყვეტილებით, პეკინში ქალი ოლიმპიელები მედლების 46, ხოლო ვაჟები 51კომპლექტისთვის იბრძოლებენ, შერეულ ასპარეზობებში კი 12 კომპლექტი გათამაშდება.
შემცირებულია მონაწილეთა რაოდენობაც. მაგალითად, თუ წლეულს პიონჩანგის ზამთრის თამაშებში 2933 სპორტსმენი მონაწილეობდა, ჩინეთის დედაქალქში მათი რაოდენობა 2892-მდე შემცირდება, აქედან 45,44 პროცენტს ქალი სპორტსმენები შეადგენენ.
ოლიმპიადა-2022-ის პროგრამაში შეტანილია ბობსლეიში ქალთა ერთეულებში ასპარეზობა, შერეული ესტაფეტა შორტ-ტრეკში, შერეული გუნდური ასპარეზობა ტრამპლინიდან ხტომაში, შერეული გუნდური შეჯიბრება სათხილამურო აკრობატიკაში, ასევე შერეული გუნდური რბოლა სნოუბორდში, ქალთა და ვაჟთა ასპარეზობა ფრისტაილის დისციპლინა ბიგ ეარში.
geonoc.org.ge