ავტოსპორტი

2:30 | 10.06.2018 | ნანახია 677 - ჯერ

ფეტელმა „ფერარი“ კანადის პოულზე დააბრუნა

სებასტიან ფეტელის გამარჯვებით დასრულდა კანადის დიდი პრიზის საკვალიფიკაციო რბოლა. ეს მონრეალის ტრასაზე „ფერარის“ პირველი პოულია მას შემდეგ, რაც მიხაელ შუმახერმა კანადის 2001 წლის დიდი პრიზის კვალიფიკაციაში გაიმარჯვა. მისი მთავარი მეტოქე ტიოტულისთვის ბრძოლაში, ჩემპიონატის ლიდერი ლუის ჰამილტონი მხოლოდ მეოთხე დროს დასჯერდა.

საინტერესოა, რომ ამ ორ პილოტს კანადური კვალიფიკაცია ჯამში უკვე ათჯერ აქვს მოგებული. აქედან ფეტელის ანგარიშზე უკვე ოთხი პოულია. მან წრე წუთსა და 10.764 წამში გაიარა, რაც ჟილ ვილნევის სახელობის ტრეკის რეკორდული დროა. სტარტზე მის გვერდით ვალტერი ბოტასი დადგება, მეორე რიგს კი ჰამილტონთან ერთად, მაქს ფერსტაპენი შეავსებს. მხოლოდ ამ ოთხმა შეძლო წრის წუთსა და 11 წამზე ნაკლებში გავლა.

„პრაქტიკებზე მანქანით კმაყოფილი არ ვიყავი. მცირე პრობლემების გამო, რიტმში შესვლას ვერ ვახერხებდი. დღეს ბევრი რამ შევცვალეთ. და მანქანაც შეუდარებელი გახდა. ბოლო წრეზე შეცდომა დავუშვი, თორემ ალბათ უკეთესი დროც შემეძლო. მაგრამ მაინც, ეს ფანტასტიური იყო“, - განაცხადა ფეტელმა.

„რთული სესია მქონდა, კარგი წრეები არ გამომდიოდა. პრაქტიკებზე სარბოლო და საკვალიფიკაციო რიტმით კმაყოფილი ვიყავი, მაგრამ ამჯერად რაღაც ვერ აეწყო. „ფერარიმ“ უკეთ იმუშავა და რბოლაც ასეც უნდა დასრულებულიყო“, - განაცხადა ჰამილტონმა, ვისაც კანადური დიდი პრიზი ექვსჯერ აქვს მოგებული და ერთიც აკლია, რათა შუმახერის მიღწევა გაიმეოროს.

კანადის დიდი პრიზი

კვალიფიკაცია

  1. სებასტიან ფეტელი (გერმანია, ფერარი) 1:10.764
  2. ვალტერი ბოტასი (ფინეთი, მერსედესი) 1:10.857
  3. მაქს ფერსტაპენი (ჰოლანდია, რედ ბული) 1:10.937
  4. ლუის ჰამილტონი (ბრიტანეთი, მერსედესი) 1:10.996
  5. კიმი რაიკონენი (ფინეთი, ფერარი) 1:11.095
  6. დანიელ რიკიარდო (ავსტრალია, რედ ბული) 1:11.116
  7. ნიკო ჰულკენბერგი (გერმანია, რენო) 1:11.973
  8. ესტებან ოკონი (საფრანგეთი, ფორს ინდია) 1:12.084
  9. კარლოს საინსი (ესპანეთი, რენო) 1:12.168
  10. სერხიო პერესი (მექსიკა, ფორს ინდია) 1:12.671
  11. კევინ მაგნუსენი (დანია, ჰაასი) 1:12.606
  12. ბრენდონ ჰარტლი (ახ.ზელანდია, ტორო როსო) 1:12.635
  13. შარლ ლეკლერი (მონაკო, ზაუბერი) 1:12.661
  14. ფერნანდო ალონსო (ესპანეთი, მაკლარენი) 1:12.856
  15. სტოფელ ვანდოორნი (ბელგია, მაკლარენი) 1:12.865
  16. პიერ გასლი (საფრანგეთი, ტორო როსო) 1:13.047
  17. ლანს სტროლი (კანადა, უილიამსი) 1:13.590
  18. სერგეი სიროტკინი (რუსეთი, უილიამსი) 1:13.643
  19. მარკუს ერიკსონი (შვედეთი, ზაუბერი) 1:14.593
  20. რომენ გროჟანი (საფრანგეთი, ჰაასი) დროის გარეშე
Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 20
250 x 188
სარეკლამო ადგილი - 22
250 x 250
0.067643