გერმანულ “ლაიფციგსა” და მთავარ მწვრთნელ რალფ ჰასენჰუტლს შორის თანამშრომლობა გაწყდა. როგორც “რედ ბულის” ვებგვერდი იტყობინება, ხელშეკრულების გაწყვეტა თავად ავსტრიელმა სპეციალისტმა მოისურვა და გუნდმა მისი სირვილი დააკმაყოფილა.
ჰასენჰუტლს “ლაიფციგთან” კონტრაქტი 2019 წლის ზაფხულამდე აკავშირებდა. ჯერჯერობით უცნობია, რამ გამოიწვია 50 წლის სპეიციალისტის ეს გადაწყვეტილება - სხვა კლუბში გეგმავს წასვლას თუ უბრალოდ, გერმანიის ბუნდესლიგაში დაკავებული მეექვსე ადგილის შემდეგ პასუხისმგებლობა საკუთარ თავზე აიღო.
რალფ ჰასენჰუტლი “ლაიფციგს” 2016 წლიდან წვრთნიდა და პირველივე სეზონში ბუნდესლიგის დებიუტანტი ვიცე-ჩემპიონი გახადა და ჩემპიონთა ლიგის ჯგუფურ ეტაპზე ათამაშა.
