ლეო მესის ცოლმა, ანტონელა რეკუზომ ლამისაა წმინდა პორფილეს ხატზე დაიფიცოს, რომ მისი ქმარი გატეხავს საშინელ ნავსს და რუსეთში გასამართ მუნდიალზე მშობლიური არგენტინის საფეხბურთო ნაკრებისთვის ისევე ბოლომდე დაიხარჯება, როგორც ეს ლეოს კატალონიის “ბარსელონაში“ სჩვევია.

ანტონელა ცხადია აპირებს ქმარსა და სრულიად “ალბისელესტეს“ გაყვეს რუსეთში და იმასაც ამბობს, რომ ასე მოტივირებული, მონდომებული და რწმენით აღსავსე ლეო მესი მასაც კი არასოდეს უნახავს და შეუძლებელია ამხელა სურვილმა და მონდომებამ თავისი შედეგები რომ არ გამოიღოს.

სხვათა შორის, ანტონელა ერთ-ერთი ის ადამიანი იყო, რომელმაც ოთხი წლის წინ, ბრაზილიის მუნდიალზე ფინალში გერმანიასთან მარცხში თავისი ქმრის “წვლილი“ არ უარყო. თუმცა, მაშინვე განაცხადა, რომ ლეო მესი ადრე თუ გვიან აუცილებლად შეძლებდა მსოფლიოს ჩემპიონის ტიტულის მოპოვებას. ვნახოთ ბატონო, ვნახოთ...