ჭადრაკი

11:47 | 3.04.2018 | ნანახია 922 - ჯერ

ელვისებურ ჭადრაკში ევროპის ჩემპიონი ანა მუზიჩუკი გახდა

ელვისებურ ჭადრაკში ევროპის ქალთა ჩემპიონატი სასტუმრო "იოტა"-ში დასრულდა. 13 ტურიდან 10 ქულა დააგროვა და ერთპიროვნულად გაიმარჯვა მსოფლიოს 2016 წლის ჩემპიონმა სწრაფ ჭადრაკში ანა მუზიჩუკმა (უკრაინა;2611). გამარჯვებულს ნახევარი ქულით ჩამორჩნენ და შემდეგნაირად განაწილდნენ:

2. ელიზაბეტ პეტცი (გერმანია;2475);

3. მონიკა სოჩკო (პოლონეთი;2314);

4. ანა მათნაძე (ესპანეთი;2429).

ქართველი მონაწილეებიდან საუკეთესო შედეგი საერთაშორისო დიდოსტატმა ინგა ჭარხალაშვილმა (2302) აჩვენა, რომელმაც შეჯიბრი 9 ქულით მე-7 ადგილზე დაასრულა.

ასპარეზობაზე 16 ქვეყნის 77 მოჭადრაკე მონაწილეობდა , მათ შორის 55 საერთაშორისო წოდების მქონე.

მონაწილეთა შორის იყვნენ: მსოფლიოს და ევროპის ჩემპიონები, საჭადრაკო ოლიმპიადების გამარჯვებულები სხვადასხვა წლებში: ანტუანეტა სტეფანოვა, ალექსანდრა კოსტენიუკი, ანა უშენინა, ანა მუზიჩუკი, პია კრამლინგი, ბელა ხოტენაშვილი, ლელა ჯავახიშვილი, ნინო ბაციაშვილი და ა.შ.

ტურნირის ორგანიზატორები: თბილისის მერია, საქართველოს კულტურისა და სპორტის სამინისტრო, ევროპის საჭადრაკო კავშირი, პროფესიონალ მოჭადრაკეთა ასოციაცია და საქართველოს ჭადრაკის ფედერაცია.

gcf.org.ge

Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 20
250 x 188
სარეკლამო ადგილი - 22
250 x 250
0.132539